YOUTHINC
YOUTHINC
Sign inContact us
About usOur teamOur Mission, Vision, Values
Gallery
ProgramsProjectsStudy tour
Membership - ApplyMember HandbookGet involved
News & activitiesEvents & trainingsBlogNewsletterOpportunities
FAQ

“Сайн дурынхны хүч” форум

“Сайн дурынхны хүч” форум Олон улсын сайн дурынхны өдрийн хүрээнд "САЙН ДУРЫНХНЫ ФОРУМ-ыг 2023 оны 12 сарын 05 нийт сайн дурынхантай ажилладаг 60 гаруй байгууллагуудын оролцоотойгоор зохион байгуулагд

Tuesday, 5 December 202309:00–13:00Ulaanbaatar time
Event
Олон улсын сайн дурынхны өдрийн хүрээнд "САЙН ДУРЫНХНЫ ФОРУМ-ыг 2023 оны 12 сарын 05 нийт сайн дурынхантай ажилладаг 60 гаруй байгууллагуудын оролцоотойгоор зохион байгуулагдаж байна. Үйл ажиллагаанд оролцох саналтай байгууллагуудыг хамтран ажиллахыг хүсч байна. #сайн_үйлсд_хүн_бүр #if_everyone_did #the_power_of_everyone#international_volunteering_ day_2023 2023 ОНЫ ОЛОН УЛСЫН САЙН ДУРЫНХНЫ ӨДӨР Ерөнхий мэдээлэлЭдийн засаг, нийгмийн хөгжлийн төлөөх олон улсын сайн дурынхны өдөр (12-р сарын 5) буюу Олон улсын сайн дурын ажилтны өдөр (IVD) нь 1985 онд НҮБ-ын Ерөнхий Ассамблейн шийдвэрээр олон улсын хэмжээнд тэмдэглэн өнгөрүүлж ирсэн бөгөөд сайн дурынхны хүчин чармайлт, оролцоог дэмжих, Тогтвортой Хөгжлийн Зорилтуудыг (SDGs) хэрэгжүүлэхэд сайн дурынхны оруулсан хувь нэмрийг орон нутаг, үндэсний болон олон улсын түвшинд хүлээн зөвшөөрөх үйл ажиллагааг тогтвортой зохион байгуулан ажилласаар ирсэн билээ. 2022 оны Олон улсын Сайн Дурынхны Өдрийг #Эв нэгдэл хэмээн тунхаглаж дангаараа зогсох эрин үе биш, харин нэг хүн шиг, бие биетэйгээ эв нэгдэлтэй байх үе юм. “Сайн дурын үйл ажиллагаанд хүсэл зоригоороо нэгдье!” гэсэн уриа дор дэлхий даяар тэмдэглэн өнгөрүүлсэн ба бид САЙН ДУРЫНХНЫ МАРКЕТ хэлбэртэйгээр Монголын сайн дурынхны төв ТББ зохион байгуулсан ба үйл ажиллагаанд нийт 521 хүн, сайн дурын үйл ажиллагааг зохион байгуулан ажилладаг 18 байгууллага 7 үндсэн салбарын хүрээнд үйл ажиллагаагаа танилцуулан ажилласан байна. Мөн 4 төрлийн сайн дурын ялгаатай зохион байгуулалт, үйл ажиллагааг олон нийт хүргэх газар дээрх СДҮА-г нийт 521 оролцогчоос хүүхэд хамгааллын кейсийг биечлэн сонссон 102 хүн, хүүхэд хөдөлмөрийн мөлжлөгийг ойлгуулах үг бүтээх болон эвлүүлдэг дүрс бүхий 4 хэсэгт тоглоом 138 хүн, өвлийн бэлтгэлд туслах нэмнээ, төлийн тор уут бэлтгэх үйл ажиллагаанд сайн дурынхны хийсэн хөрөнгө босгох ажилд 98 хүн оролцсон гэсэн бүртгэл байна. Монголын сайн дурынхны төв байгууллага нь 2022 – 2023 онд залуучуудын сайн дурынхны хууль эрх зүйн орчны судалгааг үндэсний хэмжээнд явуулсан ба, цаашид болон хүүхэд хамгаалал боловсролын салбарт 500 гаруй сайн дурынхныг амжилттай ажиллуулан үндэсний хэмжээний хөтөлбөр үйл ажиллагааг болгон түгээн дэлгэрүүлэх зорилготой байгаа юм. Бид жил бүрийн Олон Улсын Сайн Дурынхны Өдрийг угтан сайн дурын байгууллагууд нийтэд тустай төсөл хөтөлбөр хэрэгжүүлэх, бусдад туслах, нийгэмд тулгамдаж буй асуудлыг шийдвэрлэх, сайн дурын үйл ажиллагааг сурталчлан ажиллахыг эрмэлзэн ажилладаг. Олон улсын сайн дурын үйл ажиллагааг зохион байгуулах ажлын зорилго нь сайн дурын үйл ажиллагааны хөгжилд зохих хувь нэмэр оруулж буй байгууллага хамт олон, хувь хүмүүсийн ажлыг хөхиүлэн дэмжиж, олон нийтийн хүртээл болгон дэлгэрүүлэх, сурталчлах мөн төрийн болон төрийн бус байгууллага, хувийн хэвшил, хамт олон, хувь хүмүүст сайн дурын үйл ажиллагааны талаар ойлголт өгөх, цаашид энэ чиглэлд олон талт үйл ажиллагааг зохион байгуулах явдал юм. Зорилго:Монгол Улсын сайн дурын үйл ажиллагааны хөгжилд хувь нэмэр оруулж буй хүүхэд хамгаалал, залуучуудын сайн дурын үйл ажиллагааны туршлага арга зүйг шийдвэр гаргагчид, олон нийт, сайн дурынханд танилцуулах замаар олон улсын сайн дурынхны өдрийг тэмдэглэн өнгөрүүлэх зорилготой. Зорилт: Хүүхэд хамгааллын салбарын сайн дурын үйл ажиллагааны удирдлага зохион байгуулалтын арга зүйг дэмжиж байгаа төсөл хөтөлбөр, үйл ажиллагааг олон нийтэд сайн туршлага болгон таниулах Залуучуудын сайн дурын үйл ажиллагааны олон талт ялгаатай байдлыг дэмжин ажиллах, ЗСДҮА эрх зүйн орчин, зохион байгууллатыг хөгжүүлэх боломж нөөцийг нэмэгдүүлэх бодлого, эрх зүйн орчинд эерэг нөлөө авчрах Сайн дурын үйл ажиллагааны үнэ цэнэ, сайн дурынхны хувь нэмрийг тодорхой байлгах, бусад төрлийн хөдөлмөр үйл ажиллагаанаас ялгах арга замуудыг олон нийт, оролцогчид хүргэх. 2023 оны Олон улсын сайн дурынхны өдрийн уриа: Сайн дурын үйл ажиллагаанд хүн бүр гэсэн уриатайгаар тэмлэглэн өнгөрүүлэхХүлээгдэж буй үр дүн: Хүүхэд хамгааллын салбарт олон нийт, сайн дурынхны үүрэг оролцоог нэмэгдүүлэх, үйл ажиллагааг тогтвортой хөгжүүлэх санал санаачилгыг бодлого тодорхойлогчдод хүргэх. ЗСДҮА-ны эрх зүйн орчин, удирдлага зохион байгуулалттай холбогдуулан гарсан зөвлөмжийг танилцуулах, цаашид ЗСДҮА -ны ялгаатай байдал, олон талт хэлбэр, давуу тал, хувь нэмрийг тодорхойлох. Олон нийт сайн дурын үйл ажиллагааны төрийн зохицуулалтын талаар ойлголттой болж, цаашид сайжруулж болох саналаа тусгана.Сайн дурынхныг хөгжүүлэх чиглэлээр үйл ажиллагаа явуулж буй дотоод гадаадын төсөл хөтөлбөрүүд сайн туршлагаа солих, хамтран ажиллах боломжийг бүрдүүлнэ Сайн дурынхны үйл ажиллагааны хүрээнд гарсан бүтээгдэхүүн, сурталчилгааны материалаа харилцан солилцож, оролцогч тус бүр үйл ажиллагаанд биечлэн оролцох боломжоор хангагдсан байна. Ерөнхий зохион байгуулагч:Монголын сайн дурынхны төв МСДТ Оролцогчид: Сайн дурынхантай ажилладаг: Төрийн болон ТББ, ОУБ төлөөлөл бүхий 400 гаруй сайн дурынхан Хамтран зохион байгуулагч:Сайн Дурынхны Байгууллагуудын Сүлжээ Дэлхийн зөн Монгол ОУБ Дэлхийн зөн Орон нутгийн хөгжлийн хөтөлбөр Монголын Улаан Загалмайн нийгэмлэг Дэмжигч:Хөдөлмөр, Нийгмийн Хамгааллын ЯамДэлхийн зөн Монгол ОУБ Монголын Улаан Загалмайн Нийгэмлэг